Johan van der Walt, waarnemende hoof finansiële beampte van Suid-Afrikaanse Toerisme (SAT), het uitgetree. Sy pos is nou oop.

Sy bedanking is Dinsdag deur Thozamile Botha, voorsitter van die SAT-raad, bevestig.

Die toerismeraad het verlede week sy bedanking aanvaar nadat hy dit op 9 Februarie reeds uitgereik het.

Daily Maverick het berig dat Van der Walt noue bande het met ‘n advertensie-agentskap wat ‘n fooi van £1,5 miljoen (R33 miljoen) sou ontvang om die borgskapooreenkoms van R1 miljard te loods.