Verdagte vas ná groot wapenvonds, waar 44 vuurwapens, asook ‘n kanon en patrone in ’n stoor in Malmesbury gevind is
In gesamentlike pogings om misdadigheid te hanteer, het die Malmesbury-polisie inligting in die gebied opgevolg wat hulle Donderdagaand na ’n stoor in ’n nywerheidsgebied in Malmesbury aan die Weskus gelei het waar hulle ’n wapenkas gevind het wat bestaan uit 44 vuurwapens , talle vuurwapenonderdele, ’n verskeidenheid rondes ammunisie, ander swaarwapenartillerie en selfs ’n kanon.
’n 62-jarige verdagte is daarna in hegtenis geneem.
Nadat die polisie se misdaadtoneelkundiges, georganiseerde misdaadsondersoekspan en Valke-speurders ontbied is, het vuurwapen- en plofstofkundiges sowel as die plaaslike polisie, twee dae deurgebring, met die volgende wat en ingeboek is as deel van bewysstukke:
- 44 vuurwapens (bestaande uit nege gewere, handwapens, ’n kanon en pistole)
- 11 vuurwapenonderdele (beskou as vuurwapens ingevolge die Wet op Vuurwapenbeheer)
- Twee volle LDV-vragte van ’n verskeidenheid rondtes ammunisie
- Aansienlike hoeveelhede kruit
- Talle bokse wat gebruik word vir die berging van vuurwapenmagasyne
Die verdagte is aangekla vir die besit van ongelisensieerde vuurwapens, ammunisie en ingevolge van die Wet op Vuurwapenbeheer. Hy woon in die Tierfontein-omgewing en sal na verwagting Maandag in die hof in die Malmesbury-landdroshof verskyn.
Soos die ondersoek voortduur, kan die moontlikheid van verdere arrestasie nie uitgesluit word nie.
Die oorsprong van die vuurwapens, ammunisie en kruit is die onderwerp van die polisie-ondersoek met ondersoekers wat hul visier op ander persele in die omgewing gerig het.
Die Wes-Kaapse polisiebestuur het die pogings van die Malmesbury-polisie geloof om by die grondoorsake van misdaad uit te kom.
