Twee personeellede van Standard Bank in die hof wat kliënte uit R26 miljoen bedrieg
Twee beskuldigdes, Michael Sayers (53) en Ashley Michael Youngman (35), het op Donderdag 16 Februarie 2023 in die Bloemfonteinse landdroshof verskyn waar hulle teregstaan op aanklagte van bedrog.
Hulle is borgtog van R10 000 elk toegestaan en moet op 22 Maart 2023 in die hooggeregshof in Bloemfontein vir ’n voorverhoor verskyn.
Die twee beskuldigdes het hulself op Donderdag, 16 Februarie 2023, aan die Valke se ondersoekbeampte oorgegee en is gevolglik aangekla.
Daar word beweer dat Kelebogile Tlhatlosi (27) en Gotshawanetse Mmoniemang Adora (37), albei voormalige werknemers van Standard Bank gedurende November en Desember 2021, saam met Sayers, Youngman, Brian Odora (36), Ellen Mahlulo (46), Thokiso Marvin Mosikili (35), Sthembiso Gerald Hleza (32) en Boleba Albinis Lesale (35) gewerk het.
Die beskuldigdes het toe op ’n bedrieglike wyse toegang tot die bankrekening van drie kliënte van Standard Bank verkry.
Verskeie oorplasings is toe sonder hul medewete uit die drie slagoffers se rekening gemaak.
Gevolglik is Standard Bank benadeel en het ’n totale verlies van meer as R26 miljoen gely. Die saak is by die Valke se ondersoekspan vir ernstige kommersiële misdaad in Bloemfontein aangemeld vir verdere ondersoek.
Die ander sewe beskuldigdes is tussen Desember 2021 en Oktober 2022 in hegtenis geneem en is later borgtog van tussen R500 tot R10 000 toegestaan.
- Verklaring deur Kaptein Christopher Singo, woordvoerder van die Valke
