’n Een jaar en nege maande oue baba is oorlede nadat hul op Saterdag 11 Februarie 2023 simptome van diarree, braking en buikpyne by Jeeppes Reef getoon het. Volgens inligting is ’n gesin van vyf lede in die Shongwe-hospitaal opgeneem nadat hulle almal dieselfde simptome getoon het.

Vier kinders, ’n meisie van vier jaar oud, twee seuns van ses en sewe jaar oud en die oorledenes bly by hul 23-jarige tannie.

Volgens inligting het hulle soos gewoonlik geëet toe hulle skielik siek geword het.

Hulle is almal hospitaal toe geneem en die kleuter het ongelukkig nie oorleef nie.

Hul tannie is op dieselfde dag behandel en uit die hospitaal ontslaan en die ander drie kinders ontvang steeds mediese behandeling in die hospitaal.

Tans is dit nog nie bekend wat die oorsaak van dood en infeksie kan wees nie, maar nadat nadoodse ondersoek gedoen is en monsters van die oorlewendes geneem is, sal die werklike oorsaak van dood en infeksie aan die lig gebring word.

Die provinsiale kommissaris van die SAPD in Mpumalanga, luitenant-generaal Semakaleng Daphney Manamela, het gesê gesinne moet versigtig wees wanneer dit kom by kos wat hulle by die huis eet en kennis neem van die vervaldatums.