65-jarige vrou in hegtenis geneem vir ’n poging om ’n vermoedelik bedrieglike matrieksertifikaat te sertifiseer
Polisiewoordvoerder, kolonel Robert Netshiunda, het bevestig dat die polisie in Mpumalanga ’n saak van bedrog en omkopery ondersoek ná die inhegtenisneming van ’n 65-jarige vrou Dinsdagmiddag.
Die vrou is in hegtenis geneem omdat sy na bewering probeer het om ’n vermoedelike bedrieglike matrieksertifikaat te sertifiseer en die polisiebeampte wat haar bygestaan het, probeer omkoop het.
“Die verdagte het glo by ’n Durbanse metro-gemeenskapsentrum aangekom en gepoog om ’n vermoedelik bedrieglike matrieksertifikaat te sertifiseer. Die beampte het opgemerk dat die sertifikaat nie eg is nie en die verdagte het na bewering omkoopgeld van R500 aan die beampte aangebied in ’n poging om ’n saak te voorkom,” het Netshiunda gesê.
Sy is daarna in hegtenis geneem op aanklagte van bedrog en die omkopery van ’n wetstoepasser.
